മുൻ ആഴ്സണൽ, മാഞ്ചസ്റ്റർ സിറ്റി താരം സമീർ നസ്രി വെസ്റ്റ് ഹാം യുണൈറ്റഡുമായി കരാർ ഒപ്പിട്ടേക്കും. ഇപ്പൊ ഫ്രീ ഏജന്റ് ആയ താരം തന്നെ മാഞ്ചസ്റ്റർ സിറ്റിയിൽ പരിശീലിപ്പിച്ച മാനുവൽ പല്ലേഗ്രിനിക്ക് കീഴിൽ കളിക്കാനാണ് വീണ്ടും ലണ്ടനിലേക്ക് എത്തുന്നത്. നിലവിൽ ഉത്തേജകം ഉപയോഗിച്ചതിന് 18 മാസത്തെ വിലക്ക് നേരിടുന്ന താരത്തിന് ഡിസംബർ അവസാനത്തോട് കൂടി വീണ്ടും കളിക്കാനാവും. താരം വെസ്റ്റ് ഹാമിൽ മെഡിക്കൽ പൂർത്തിയായതാണ് വിവരം.
31 വയസുകാരനായ ഫ്രഞ്ച് താരം തുർക്കിയിൽ കളിച്ചു കൊണ്ടിരിക്കെയാണ് വിലക്ക് നേരിടുന്നത്. പെപ്പ് ഗാർഡിയോള സിറ്റി പരിശീലകനായി എത്തിയതോടെയാണ് താരത്തിന് സിറ്റി വിടേണ്ടി വന്നത്. 2008 മുതൽ 2011 വരെ ആഴ്സണൽ താരമായിരുന്ന നസ്രി കളിക്കളത്തിന് അകത്തും പുറത്തും അച്ചടക്കമില്ലായ്മയുടെ പേരിൽ ഏറെ പ്രശസ്തനാണ്.