പ്രീമിയർ ലീഗിൽ ഏറ്റവും വേഗത്തിൽ അൻപത് ഗോളുകൾ തികക്കുന്ന താരമെന്ന റെക്കോർഡിൽ രണ്ടാം സ്ഥാനത്തെത്തി ലിവർപൂൾ താരം മൊഹമ്മദ് സലാ. 72 കളികളിൽ നിന്നായി 5374 മിനിറ്റ് കളത്തിൽ ചിലവഴിച്ച ശേഷമാണ് മൊസാല 50 ഗോളുകൾ നേടിയത്. 5337 മിനിറ്റുകളിൽ നിന്നായി 50 ഗോളുകൾ നേടിയ അലൻ ഷിയററുടെ പേരിലാണ് നിലവിലെ റെക്കോർഡ്. ക്രിസ്റ്റൽ പാലസിനെതിരെ നടന്ന മത്സരത്തിൽ ആണ് സലാ അൻപത് ഗോളുകൾ എന്ന നേട്ടം കരസ്ഥമാക്കിയത്.
5483 മിനിറ്റിൽ നിന്നും 50 ഗോൾ തികച്ച ഫെർണാണ്ടോ ടോറസ് ആണ് മൂന്നാമതുള്ളത്. 5600 മിനിറ്റിൽ നിന്നും അൻപത് ഗോളുകൾ നേടിയ റുഡ് വാൻ നിസ്റ്റൽറൂയിയും 5710 മിനിറ്റുമായി സെർജിയോ അഗ്യൂറോയും ആണ് തുടർന്നുള്ള സ്ഥാനങ്ങളിൽ ഉള്ളത്.
