മൈകിന് ജേഴ്‌സി സമ്മാനിച്ച് മൊഹമ്മദ് സലാ

കഴിഞ്ഞ ദിവസം സോഷ്യൽ മീഡിയയിൽ വൈറൽ ആയ ഒരു വിഡിയോ ആയിരുന്നു അന്ധനായ ഒരു ഫുട്ബാൾ ആരാധകൻ മൊഹമ്മദ് സലാ നേടിയ ഗോൾ ആഘോഷിക്കുന്നത്. ജന്മനാ അന്ധനായ മൈക് കേർണിയാണ് വീഡിയോയിലൂടെ ലോകമെമ്പാടുമുള്ള ഫുട്ബാൾ ആരാധകരുടെ മനസിൽ ഇടം നേടിയത്. മൈക്കിനെ ലിവർപൂൾ പരിശീലനം കാണാൻ മെൽവുഡിലേക്ക് ക്ഷണിക്കുകയും പ്രിയ താരങ്ങളെ നേരിൽ കാണാൻ ഉള്ള അവസരം നൽകുകയും ചെയ്തിരിക്കുകയാണ് ലിവർപൂൾ.

ഇന്ന് ക്ലബിൽ എത്തിയ മൈക്കിനും സുഹൃത്തിനും സലായുമായി കുശലാന്വേഷണം നടത്തുവാനും സലാ തന്റെ ഒരു ജേഴ്‌സി സമ്മാനിക്കുകയും ചെയ്തിരുന്നു. ക്ലോപ്പിനെയും മറ്റു താരങ്ങളെയും സന്ദർശിച്ച മൈക് എല്ലാവരിൽ നിന്നും ഓട്ടോഗ്രാഫും വാങ്ങിയാണ് തിരിച്ചു പോയത്