റേപ് ആരോപണ വിധേയനായ മാഞ്ചസ്റ്റർ യുണൈറ്റഡ് താരം മേസൺ ഗ്രീൻവുഡിനെ ഗ്രേയ്റ്റർ മാഞ്ചസ്റ്റർ പോലീസ് അറസ്റ്റ് അറസ്റ്റ് ചെയ്തു. ഇന്നലെയാണ് ഗ്രീൻവുഡിന്റെ കാമുകി താരത്തിനെതിരെ ഗുരുതര ആരോപണവുമായി ഇൻസ്ഗ്രാമിൽ പോസ്റ്റുമായി വന്നത്. താരം തന്നെ ലൈംഗികമായും ശാരീരികമായും പീഡിപ്പിക്കുന്നു എന്ന തരത്തിൽ “നോക്കൂ മേസൺ ഗ്രീൻവുഡ് എന്താണ് എന്നോട് ചെയ്തതെന്ന്” എന്ന് പറഞ്ഞായിരുന്നു വിഡിയോകളും ഫോട്ടോസുമടക്കം ഇര പോസ്റ്റ് ചെയ്തത്.
കഴിഞ്ഞ ദിവസം തന്നെ ഗ്രേയ്റ്റർ മാഞ്ചസ്റ്റർ പോലീസ് കാര്യങ്ങൾ നിരീക്ഷിച്ചു വരികയാണെന്ന് പറഞ്ഞിരുന്നു. തുടർന്നാണ് ഇന്നലെ രാത്രിയോടെ മേസൺ ഗ്രീൻവുഡിനെ അറസ്റ്റ് ചെയ്തതായി റിപ്പോർട്ടുകൾ വന്നത്. “20 വയസ്സുള്ള ഒരാളെ ബലാത്സംഗത്തിനും ആക്രമണത്തിനും കുറ്റം ചുമത്തി അറസ്റ്റ് ചെയ്തതായി ഞങ്ങൾക്ക് സ്ഥിരീകരിക്കാൻ കഴിയും” എന്നായിരുന്നു പോലീസ് സ്ഥിരീകരണം.
അതെ സമയം താരത്തെ മാഞ്ചസ്റ്റർ യുണൈറ്റഡ് ക്ലബും വിലക്കിയിട്ടുണ്ട്. ഒരു അറിയിപ്പുണ്ടാകുന്നത് വരെ ഗ്രീൻവുഡ് പരിശീലനത്തിലോ മത്സരത്തിലോ പങ്കെടുക്കില്ല എന്നായിരുന്നു മാഞ്ചസ്റ്റർ യുണൈറ്റഡ് പറഞ്ഞത്.
താരത്തെ ഇൻസ്റാഗ്രാമിലും ട്വിറ്ററിലും ക്രിസ്റ്റിയാനോ റൊണാൾഡോയും ഡേവിഡ് ഡി ഹെയയും അടക്കമുള്ള മാഞ്ചസ്റ്റർ യുണൈറ്റഡ് താരങ്ങൾ ഇതിനകം അൺഫോളോ ചെയ്തു കഴിഞ്ഞു.
