മാർക്കസ് റഷ്ഫോഡ് മാഞ്ചസ്റ്റർ യുണൈറ്റഡ് വിടില്ല. 2028 വരെയുള്ള കരാർ റാഷ്ഫോർഡ് ഒപ്പുവെച്ചിരിക്കുകയാണ്. ഉടൻ തന്നെ ഇതു സംബന്ധിച്ച് ഔദ്യോഗിക പ്രഖ്യാപനം വരും.താരത്തിന് 2024 ജൂൺ വരെയുള്ള കരാർ മാത്രമെ യുണൈറ്റഡിൽ ഉണ്ടായിരുന്നുള്ളൂ. ഒരു വർഷത്തോളം നീണ്ടു നിന്ന ചർച്ചകൾക്ക് ഒടുവിലാണ് റാഷ്ഫോർഡ് കരാർ ഒപ്പുവെച്ചത്.
ടെൻ ഹാഗിന്റെ വരവ് താരത്തെ തന്റെ ഏറ്റവും മികച്ച ഫോമിലേക്ക് എത്തിച്ചിരുന്നു. മാഞ്ചസ്റ്റർ യുണൈറ്റഡ് അക്കാദമിയിലൂടെ വളർന്നു വന്ന റാഷ്ഫോർഫ് ക്ലബ് വിട്ട് എങ്ങോട്ടും പോകാൻ ആഗ്രഹിക്കുന്നുണ്ടായിരുന്നില്ല. പുതിയ കരാർ ഒപ്പുവെക്കുന്നതോടെ ടീമിൽ ഏറ്റവും കൂടുതൽ വേതനം വാങ്ങുന്ന താരമായി റാഷ്ഫോർഡ് മാറും.
മാഞ്ചസ്റ്റർ യുണൈറ്റഡഡിന്റെ 2022/23 സീസണിലെ മികച്ച താരത്തിനുള്ള സർ മാറ്റ് ബസ്ബി പ്ലെയർ ഓഫ് ദ ഇയർ അവാർഡ് പുരസ്കാരം മാർക്കസ് റാഷ്ഫോർഡ് സ്വന്തമാക്കിയിരുന്നു. കരിയറിൽ ആദ്യമായാണ് റാഷ്ഫോർഡ് ഈ പുരസ്കാരം സ്വന്തമാക്കുന്നത്. ഈ കഴിഞ്ഞ സീസണിൽ 30 ഗോളുകൾ നേടാൻ റാഷ്ഫോർഡിന് ആയിരുന്നു. 30 ഗോളുകൾക്ക് പുറമേ, 11 അസിസ്റ്റുകളും റാഷ്ഫോർഡ് ഈ സീസണിൽ സംഭാവന ചെയ്തു.