ഇംഗ്ലീഷ് പ്രീമിയർ ലീഗിൽ ഇന്ന് ന്യൂകാസിൽ യുണൈറ്റഡ് മാഞ്ചസ്റ്റർ യുണൈറ്റഡിനെ നേരിടും. ഓൾഡ് ട്രാഫോർഡിൽ നടക്കുന്ന മത്സരം വൈകിട്ട് 6.30ന് ആണ് നടക്കുന്നത്. കളി തത്സമയം സ്റ്റാർ സ്പോർട്സിൽ കാണാൻ ആകും. അഞ്ചാം സ്ഥാനത്ത് ഉള്ള യുണൈറ്റഡ് ഇന്ന് വിജയിച്ച് ടോപ് 4ലേക്ക് അടുക്കാൻ ആകും ശ്രമിക്കുക. ന്യൂകാസിൽ യുണൈറ്റഡിന് തൊട്ടു പിറകിൽ ആറാം സ്ഥാനത്ത് ഉണ്ട്.
മാഞ്ചസ്റ്റർ സിറ്റിയോട് ഏറ്റ വലിയ പരാജയത്തിനു ശേഷം കളിച്ച മൂന്ന് മത്സരങ്ങളും വിജയിച്ച മാഞ്ചസ്റ്റർ യുണൈറ്റഡ് ആ ഫോം തുടരാൻ ആകുമെന്ന പ്രതീക്ഷയിൽ ആണ്. മാർഷ്യലിന് പരിക്ക് ആയതു കൊണ്ട് ക്രിസ്റ്റ്യാനോ റൊണാൾഡോ ഇന്ന് ആദ്യ ഇലവനിൽ എത്തും. റാഷ്ഫോർഡും ആന്റണിയും റൊണാൾഡോക്ക് ഇരു വശങ്ങളിലുമായി ഇറങ്ങും.
അവസാന രണ്ട് മത്സരങ്ങളിൽ നിന്ന് 9 ഗോളുകൾ അടിച്ച ന്യൂകാസിൽ യുണൈറ്റഡ് അതിഗംഭീര ഫോമിൽ ആണ്.