മാഞ്ചസ്റ്റർ യുണൈറ്റഡ് യുവതാരം ഗ്രീൻവുഡിന് ജാമ്യം. അന്വേഷണം തുടരും എന്നും പോലീസ് അറിയിച്ചു. ബലാത്സംഗവും അതിക്രമവും അടക്കം ഗുരുതര ആരോപണങ്ങൾ ആണ് ഗ്രീൻവുഡ് നേരിടുന്നത്. അവസാന മൂന്ന് ദിവസമായി താരം പോലീസ് കസ്റ്റഡിയിൽ ആയിരുന്നു.
താരം മുൻ കാമുകിയെ ലൈഗികമായും ശാരീരികമായും പീഡിപ്പിച്ചു എന്ന പരാതിയിലാണ് കസ്റ്റഡിയിൽ ആയത്. താരത്തിനെതിരെ വലിയ നടപടികൾ വരും എന്നാണ് സൂചനകൾ. ജാമ്യത്തിൽ ഇറങ്ങി എങ്കിലും താരത്തെ മാഞ്ചസ്റ്റർ യുണൈറ്റഡ് കളിപ്പിക്കില്ല. ഒരു അറിയിപ്പ് ഉണ്ടാകുന്നത് വരെ ഗ്രീൻവുഡ് ക്ലബിനൊപ്പം കളിക്കുകയോ പരിശീലനം നടത്തുകയോ ചെയ്യില്ല എന്ന് ക്ലബ് ഔദ്യോഗിക പ്രസ്താവനയിൽ ക്ലബ് പറഞ്ഞിരുന്നു. നൈകും താരവുമായുള്ള കരാർ റദ്ദാക്കിയിട്ടുണ്ട്.