ആരാധകരും ബോർഡിലെ ചിലരും എതിർത്തു, അർണാടോവിചിനെ മാഞ്ചസ്റ്റർ യുണൈറ്റഡ് സ്വന്തമാക്കില്ല

മാഞ്ചസ്റ്റർ യുണൈറ്റഡ് സ്ട്രൈക്കർ അർണാടാവോചിനെ സൈൻ ചെയ്യുന്നതിൽ നിന്ന് പിന്മാറി. താരവുമായി കരാർ ധാരണയിൽ എത്തിയിരുന്നു എങ്കിലും ആരാധകരുടെ പ്രതിഷേധവും ബോർഡിലെ ചിലരുടെ എതിർ അഭിപ്രായങ്ങളും കാരണം ക്ലബ് തന്നെ ഈ നീക്കം വേണ്ട എന്ന് വെക്കുക ആയിരുന്നു.

മാഞ്ചസ്റ്റർ യുണൈറ്റഡ് വലിയ പേരുകളിൽ നിന്ന് മാറി ആരും യുണൈറ്റഡിലെത്തും എന്ന് പ്രതീക്ഷിക്കാതിരുന്ന അർണാടോവിചിനായി ബിഡ് ചെയ്തത് ആരാധകരെ ഞെട്ടിച്ചിരുന്നു. റൊണാൾഡോ അല്ലാതെ ഒരു സ്ട്രൈക്കർ ഇല്ല എന്നത് യുണൈറ്റഡിനെ വലിയ പ്രതിസന്ധിയിൽ നിർത്തുകയാണ് ഇപ്പോൾ. അതാണ് അർണാടോവിചിൽ വരെ യുണൈറ്റഡ് എത്താൻ കാരണം. നേരത്തെ സാൽസ്ബർഗിന്റെ യുവതാരം സെസ്കോയെ സ്വന്തമാക്കാൻ യുണൈറ്റഡ് നോക്കിയിരുന്നു എങ്കിലും ഫലം ഉണ്ടായിരുന്നില്ല.

Story Highlight: Manchester United won’t sign Marko Arnautović this summer. Deal off and talks will not continue after opening bid turned down by Bologna.