പീറ്റർ ചെക്ക്, ഫ്രാങ്ക് ലംപാർഡ് എന്നിവർക്ക് പിന്നാലെ ക്ളോഡ് മകലെലേയും ചെൽസിയിൽ തിരിച്ചെത്തി. ചെൽസി അക്കാദമിയുമായി ബന്ധപ്പെട്ട പരിശീലക ചുമതലയാണ് ക്ലബ്ബ് താരത്തിന് നൽകിയിരിക്കുന്നത്. ചെൽസിയുടെ ലോണിൽ കളിക്കുന്ന കളിക്കാരുടെ പ്രകടനം വിലയിരുത്തുന്ന ചുമതലയും ഇനി ഈ മുൻ ഫ്രാൻസ് ദേശീയ തരത്തിനാകും.
ചെൽസിയുടെ എക്കാലത്തെയും മികച്ച മധ്യനിര താരങ്ങളിൽ ഒരാളാണ് മകലെലേ. 5 വർഷം ചെൽസിക്കായി കളിച്ച താരം ക്ലബ്ബിന് വേണ്ടി 271 മത്സരങ്ങൾ കളിച്ചിട്ടുണ്ട്. ചെൽസിക്ക് ഒപ്പം 2 ലീഗ് കിരീടങ്ങളും, 2 ലീഗ് കപ്പും, എഫ് എ കപ്പും താരം നേടിയിട്ടുണ്ട്. മുൻപ് റയൽ മാഡ്രിഡ്, പി എസ് ജി ടീമുകൾക്ക് വേണ്ടിയും താരം കളിച്ചിട്ടുണ്ട്.