ലിവർപൂളിന് ഇത് ദുരിതകാലം!! വോൾവ്സിനു മുന്നിൽ നാണംകെട്ടു

Newsroom

Picsart 23 02 04 22 15 39 802
Download the Fanport app now!
Appstore Badge
Google Play Badge 1

ലിവർപൂളിന്റെ ദുരിതകാലം തുടരുന്നു. അവർ ഇന്ന് വോൾവ്സിനോടും പരാജയം ഏറ്റവാങ്ങി. മൊളിനക്സിൽ നടന്ന മത്സരത്തിൽ എതിരില്ലാത്ത മൂന്നു ഗോളുകൾക്കാണ് ലിവർപൂൾ പരാജയപ്പെട്ടത്. ഇന്ന് മത്സരത്തിന്റെ ആദ്യ പതിനൊന്ന് മിനുട്ടുകൾക്ക് അകം തന്നെ ലിവർപൂൾ 2 ഗോളിന് പിറകിലായിരുന്നു.

Picsart 23 02 04 22 16 30 098

അഞ്ചാം മിനുട്ടിൽ മാറ്റിപിന്റെ ഒരു സെൽഫ് ഗോളാണ് ലിവർപൂളിനെ ഞെട്ടിച്ചത്. ഈ ഗോൾ വന്ന ക്ഷീണത്തിൽ നിൽക്കുകയായിരുന്ന ലിവർപൂൾ അധികം വൈകാതെ രണ്ടാം ഗോളും വഴങ്ങി. അരങ്ങേറ്റക്കാരൻ ഡോസൺ ആണ് വോൾവ്സിന്റെ ലീഡ് ഇരട്ടിയാക്കിയത്. 11 മിനുട്ടിൽ തന്നെ 2-0. ഈ ഗോളുകളിൽ പകച്ചു പോയ ലിവർപൂളിന് കളിയിലേക്ക് തിരികെവരാൻ ആയില്ല.

Picsart 23 02 04 22 15 58 319

രണ്ടാം പകുതിയിൽ 70ആം മിനുട്ടിൽ റൂബൻ നെവസിലൂടെ വോൾവ്സിന്റെ വിജയം ഉറപ്പിച്ച മൂന്നാം ഗോൾ വന്നു. അഡമ ട്രയോരെയെയുടെ പാസ് സ്വീകരിച്ച് ആയിരുന്നു നെവസിന്റെ ഫിനിഷ്. ഈ പരാജയത്തോടെ ലിവർപൂൾ 29 പോയിന്റുമായി പത്താം സ്ഥാനത്ത് നിൽക്കുകയാണ്‌. വോൾവ്സ് 20 പോയിന്റുമായി പതിനഞ്ചാം സ്ഥാനത്തും നിൽക്കുന്നു