ലിവർപൂൾ പടയോട്ടം തുടരുന്നു, ഇത്തവണ മുട്ടുമടക്കിയത് ലെസ്റ്റർ

Staff Reporter

Download the Fanport app now!
Appstore Badge
Google Play Badge 1

പ്രീമിയർ ലീഗിൽ രണ്ടാം സ്ഥാനത്തുള്ള ലെസ്റ്റർ സിറ്റിയെയും തോൽപ്പിച്ച് ലിവർപൂൾ പ്രീമിയർ ലീഗിൽ തങ്ങളുടെ പടയോട്ടം തുടരുന്നു. ഏകപക്ഷീയമായ നാല് ഗോളുകൾക്കാണ് ലിവർപൂൾ ലെസ്റ്ററിന്റെ ഗ്രൗണ്ടിൽ ജയം സ്വന്തമാക്കിയത്. ഇതോടെ പ്രീമിയർ ലീഗിൽ ഒന്നാം സ്ഥാനത്ത് 13 പോയിന്റിന്റെ വ്യക്തമായ ലീഡ് നിലനിർത്തതും അവർക്കായി. ഇനി അത്ഭുതങ്ങൾ സംഭവിച്ചാൽ മാത്രമേ ലിവർപൂളിനെ തങ്ങളുടെ കന്നി പ്രീമിയർ ലീഗ് കിരീടം നേടുന്നതിൽ നിന്ന് തടയാനാവു.

മത്സരത്തിന്റെ തുടക്കം മുതൽ മികച്ച പ്രകടനം പുറത്തെടുത്താണ് രണ്ടാം സ്ഥാനത്തുള്ള ലെസ്റ്റർ സിറ്റിയെ ലിവർപൂൾ അനായാസം പരാജയപ്പെടുത്തിയത്. ലിവർപൂളിന് വേണ്ടി ഇരട്ട ഗോളുകൾ നേടിയ ഫിർമിനോയും കളം നിറഞ്ഞു കളിച്ച അലക്സാണ്ടർ അർണോൾഡുമാണ് അവരുടെ ജയം അനായാസമാക്കിയത്. പെനാൽറ്റിയിലൂടെ ജെയിംസ് മിൽനറും അവസാന മിനിറ്റുകളിൽ അലക്സാണ്ടർ അർണോൾഡുമാണ് ലിവർപൂളിന്റെ മറ്റുഗോളുകൾ നേടിയത്.