ബ്രെണ്ടൻ മാജിക് തുടരുന്നു, ജയത്തോടെ യൂറോപ്യൻ സ്വപ്നങ്ങൾ സജീവമാക്കി ലെസ്റ്റർ

- Advertisement -

ഇംഗ്ലീഷ് പ്രീമിയർ ലീഗിൽ ലെസ്റ്റർ വിജയകുതിപ്പ് തുടരുന്നു. ബ്രെണ്ടൻ റോഡ്‌ജെർസ് വന്ന ശേഷമുള്ള മൂന്നാമത്തെ വിജയമാണ് ഇന്നവർ ബോൺമൗത്തിനെതിരെ നേടിയത്. എതിരില്ലാത്ത 2 ഗോളുകൾക്കാണ് ലെസ്റ്റർ ജയിച്ചു കയറിയത്. ഇതോടെ ലീഗ് ടേബിളിൽ 8 ആം സ്ഥാനത്ത് എത്തിയ ലെസ്റ്റർ യൂറോപ്യൻ ഫുട്‌ബോൾ യോഗ്യത സാധ്യതയും സജീവമാക്കി.

ആദ്യ പകുതിയിൽ ക്യാപ്റ്റൻ വെസ് മോർഗനിലൂടെയാണ് ലെസ്റ്റർ ലീഡ് നേടിയത്. 11 ആം മിനുട്ടിൽ ബെൻ ചിൽവെലിന്റെ അസിസ്റ്റിൽ നിന്നായിരുന്നു ക്യാപ്റ്റന്റെ ഗോൾ. രണ്ടാം പകുതിയിൽ കളി തീരാൻ 8 മിനുട്ട് ശേഷിക്കെ വാർഡിയും ഗോൾ നേടിയതോടെ എഡി ഹോവേയുടെ ടീമിന്റെ സമനില പ്രതീക്ഷകളും അസ്തമിച്ചു. അന്തരിച്ച ലെസ്റ്റർ ഉടമ വിഷായ് ശ്രീവദനപാരയുടെ 61 ആം പിറന്നാൾ ദിനത്തിൽ ജയിക്കാനായതും ലെസ്റ്റർ ആരാധകർക്ക് ആവേശം നൽകുന്ന ഒന്നായി.

Advertisement