ലീഡ്സ് യുണൈറ്റഡ് പരിശീലകൻ ജെസ്സി മാർഷിനെ പുറത്താക്കി. ക്ലബ് റിലഗേഷൻ ഭീഷണിയിൽ ആയതു കൊണ്ടാണ് ക്ലബ് ഇത്തരം ഒരു തീരുമാനം എടുത്തത്. മാർഷ് 2022 ഫെബ്രുവരിയിൽ ആയിരുന്നു ലീഡ്സിൽ എത്തിയത്. അന്ന് ക്ലബിനെ റിലഗേഷനിൽ നിന്ന് രക്ഷിച്ച് 17-ാം സ്ഥാനത്ത് ഫിനിഷ് ചെയ്യാൻ ലീഡ്സിന് ആയിരുന്നു.എന്നാലീ സീസണിൽ ഒരു പുതിയ ദിശ ലീഡ്സിന് നൽകാൻ അമേരിക്കൻ പരിശീലകനായില്ല. ഇന്നലെ നോട്ടിംഗ്ഹാം ഫോറസ്റ്റിനോട് തോറ്റതിനെത്തുടർന്ന് ലീഡ്സ് 17-ാം സ്ഥാനത്താണ് നിൽക്കുന്നത്. അവസാന സ്ഥാനത്തുള്ള സതാംപ്ടണേക്കാൾ മൂന്ന് പോയിന്റ് മാത്രം മുകളിൽ.
ലീഡ്സ് യുണൈറ്റഡിന് ഏറ്റവും നിർണായകമായ സമയത്താണ് മാർഷിനെ പുറത്താക്കാനുള്ള തീരുമാനം എടുക്കുന്നത്. ഏറെ കാലത്തിന് ശേഷം ബിയെൽസ ആയിരുന്നു ലീഡ്സിനെ പ്രീമിയർ ലീഗിലേക്ക് എത്തിച്ചത്. പുതിയ ഹെഡ് കോച്ചിനായുള്ള തിരയൽ ക്ലബ് ആരംഭിച്ചു കഴിഞ്ഞു. പ്രീമിയർ ലീഗിൽ ചിരവൈരികളായ മാഞ്ചസ്റ്റർ യുണൈറ്റഡ് ആണ് ലീഡ്സിനെ അടുത്ത മത്സരത്തിൽ നേരിടേണ്ടത്.
Story Highlight: Jesse Marsch sacked as Leeds head coach