തങ്ങളുടെ വാഗ്ദാനമായ യുവ ഡിഫൻഡർ ജോഷ് അച്ചെംപോങ്ങിൻ്റെ ഭാവിയെ ചുറ്റിപ്പറ്റിയുള്ള അനിശ്ചിതത്വം ചെൽസി പരിഹരിച്ചു. ഒരു പുതിയ നാലര വർഷത്തെ കരാറിൽ താരം ഒപ്പുവച്ചു. സ്റ്റാംഫോർഡ് ബ്രിഡ്ജിൽ അദ്ദേഹം 2029 വരെ തുടരും.
മുൻ കരാർ 2026 ജൂണിൽ അവസാനിക്കാനിരിക്കുക ആയിരുന്നു. താരത്തിനായി മുൻനിര പ്രീമിയർ ലീഗിൽ നിന്നും ഓവർസീസ് ക്ലബ്ബുകളിൽ നിന്നുമുള്ള ഓഫറുകൾ ഉണ്ടായിരുന്നു.
അസ്താനയ്ക്കെതിരായ കോൺഫറൻസ് ലീഗ് വിജയത്തിൽ ചെൽസി അക്കാദമി ബിരുദധാരി ആദ്യ ടീമിൽ അരങ്ങേറ്റം കുറിച്ചു. ഇപ്പോൾ സീനിയർ സ്ക്വാഡിനൊപ്പം പതിവായി അദ്ദേഹം പരിശീലനം നടത്തുന്നു. ഷാംറോക്ക് റോവേഴ്സിനെതിരായ വരാനിരിക്കുന്ന മത്സരത്തിലും അദ്ദേഹം കളിക്കുമെന്ന് പ്രതീക്ഷിക്കുന്നു.
അണ്ടർ 8 ലെവലിൽ ചെൽസിയുടെ അക്കാദമിയിൽ ചേർന്ന അച്ചെംപോംഗ് ജനുവരിയിൽ പ്രൊഫഷണലായി മാറുകയും അണ്ടർ 16 മുതൽ അണ്ടർ 20 ലെവലുകൾ വരെ ഇംഗ്ലണ്ടിനെ പ്രതിനിധീകരിക്കുകയും ചെയ്തിട്ടുണ്ട്.