ഡിഫൻഡർ ജെയിംസ് ജസ്റ്റിൻ ലെസ്റ്റർ സിറ്റിയിൽ പുതിയ കരാർ ഒപ്പുവെച്ചു. 2026 വരെയുള്ള ഒരു പുതിയ ദീർഘകാല കരാറിൽ താരം ഒപ്പുവെച്ചതായി ക്ലബ് സ്ഥിരീകരിച്ചു. 2019-ലെ വേനൽക്കാലത്ത് ലൂട്ടൺ ടൗണിൽ നിന്ന് എത്തിയതുമുതൽ ലെസ്റ്ററിൽ മികച്ച പ്രകടനമാണ് 24-കാരൻ കാഴ്ചവെക്കുന്നത്.
ലെസ്റ്റർ സിറ്റി ഫുട്ബോൾ ക്ലബ്ബിനായി ഇന്നുവരെ മൊത്തം 54 മത്സരങ്ങൾ കളിക്കുകയും നാല് ഗോളുകൾ നേടുകയും ചെയ്തു. ജസ്റ്റിന്റെ വെർസറ്റലിറ്റി പ്രതിരോധത്തിൽ ഏതു സ്ഥാനങ്ങളിലും കളിക്കാനുള്ള മികവ് താരത്തിന് നൽകുന്നു. വലിയ പരിക്കിൽ നിന്ന് കഴിഞ്ഞ മാസം തിരിച്ചെത്തിയ ജസ്റ്റിൻ ഇപ്പോൾ വീണ്ടും ലെസ്റ്ററിന്റെ സ്റ്റാർട്ടിംഗ് ഇലവന സ്ഥിരാംഗം ആവുന്നുണ്ട്.
