മാഞ്ചസ്റ്റർ സിറ്റി താരം റഹീം സ്റ്റെർലിംഗിനെ ജനുവരിയിൽ സ്വന്തമാക്കാം എന്നുള്ള ബാഴ്സലോണയുടെ ശ്രമങ്ങൾക്ക് തിരിച്ചടി. സ്റ്റെർലിംഗിനെ ജനുവരിയിൽ ആര് വന്നാലിം വിട്ടു നൽകില്ല എന്നാണ് മാഞ്ചസ്റ്റർ സിറ്റി ഉടമകളുടെ തീരുമാനം. ലോണിൽ ആയാൽ വലിയ തുക നൽകിയാലും സിറ്റിയുടെ ഈ തീരുമാനം മാറില്ല. സീസൺ അവസാനം സ്റ്റെർലിംഗിന് ക്ലബ് വിടാൻ ആഗ്രഹം ഉണ്ടെങ്കിൽ സിറ്റി അതിന് അനുവദിക്കും. ഈ സീസണിൽ അധികം അവസരങ്ങൾ ലഭിക്കാത്തതു കൊണ്ട് തന്നെ സ്റ്റെർലിംഗ് ക്ലബ് വിടാൻ ആഗ്രഹിക്കുന്നുണ്ട്.
സ്റ്റെർലിംഗ് എന്നല്ല മാഞ്ചസ്റ്റർ സിറ്റിയിലെ ഏതു താരത്തെ സ്വന്തമാക്കാൻ ബാഴ്സലോണ ആഗ്രഹിച്ചാലും അതിനു സാധിക്കും എന്ന് അടുത്തിടെ മാഞ്ചസ്റ്റർ സിറ്റി പരിശീലകൻ പെപ് ഗ്വാർഡിയോള പറഞ്ഞിരുന്നു. പരിശീലകന്റെ ഈ കമന്റും മാനേജ്മെന്റിന് ഇടയിൽ അതൃപ്തി ഉണ്ടാക്കിയിട്ടുണ്ട്.