ജാക്ക് വിൽഷെയറിന്റെ കരാർ പരസ്പര സമ്മതത്തോടെ റദ്ധാക്കി വെസ്റ്റ് ഹാം. ഈ സീസണിന്റെ അവസാനത്തോടെ വെസ്റ്റ് ഹാമിൽ കരാർ തീരാനിരിക്കെയാണ് താരത്തിന്റെ കരാർ അവസാനിപ്പിക്കാൻ വെസ്റ്റ് ഹാം തീരുമാനിച്ചത്. 2018ൽ വെസ്റ്റ് ഹാമിൽ എത്തിയ ജാക്ക് വിൽഷെയറിന് പരിക്കിനെ തുടർന്ന് കൂടുതൽ മത്സരങ്ങൾ കളിക്കാൻ കഴിഞ്ഞിരുന്നില്ല. ഈ സീസണിൽ ഒരു മത്സരത്തിൽ മാത്രമാണ് ജാക്ക് വിൽഷെയറിന് ടീമിൽ അവസരം ലഭിച്ചത്.
കാരബാവോ കപ്പിൽ ഹൾ സിറ്റിക്കെതിരായ മത്സരത്തിലാണ് ഈ സീസൺ ജാക്ക് വിൽഷെയർ കളിച്ചത്. ഇതുവരെ പ്രീമിയർ ലീഗിൽ 16 മത്സരങ്ങൾ മാത്രമാണ് ജാക്ക് വിൽഷെയർ വെസ്റ്റ് ഹാമിന് വേണ്ടി കളിച്ചത്. മാനുവൽ പെല്ലെഗ്രിനി പരിശീലകനായി നിൽക്കുന്ന സമയത്താണ് മൂന്ന് വർഷത്തെ കരാറിൽ ജാക്ക് വിൽഷെയർ വെസ്റ്റ് ഹാമിൽ എത്തുന്നത്.