മാഞ്ചസ്റ്റർ യുണൈറ്റഡ് ക്യാപ്റ്റൻ ആയ ഹാരി മഗ്വയർ ക്ലബിൽ തുടരുമോ ഇല്ലയോ എന്നത് അദ്ദേഹത്തിന്റെ തീരുമാനം ആണെന്ന് മാഞ്ചസ്റ്റർ യുണൈറ്റഡ് പരിശീലകൻ എറിക് ടെൻ ഹാഗ്. ഈ സീസണിൽ ഹാരി മഗ്വയറിന് യുണൈറ്റഡ് ആദ്യ ഇലവനിൽ അധികം അവസരം കിട്ടിയിരുന്നില്ല. ലിസാൻഡ്രോ മാർട്ടിനസ്, വരാനെ, ലിൻഡെലോഫ് എന്നിവർക്ക് എല്ലാം പിറകിലായിരുന്നു മഗ്വയറിന്റെ സ്ഥാനം.
മഗ്വയറിന്റെ നിരാശ മനസ്സിലാക്കുന്നു എന്നും ആരും ഈ അവസ്ഥയിൽ സന്തുഷ്ടനാകില്ല എന്നും ടെൻ ഹാഗ് പറഞ്ഞു. അവൻ വളരെ കഠിനാധ്വാനം ചെയ്യുന്നു. പക്ഷേ വരാനെ അതിശയകരമാണ് കളിക്കുന്നത്. അതാണ് വരാനെയെ പരിഗണിക്കുന്നത്. ടെൻ ഹാഗ് പറഞ്ഞു.
“മഗ്വയർ ഇവിടെ ഉള്ളതിൽ എനിക്ക് സന്തോഷമുണ്ടെന്ന് പറയാം, എന്നാൽ ഇവിടെ തുടരണോ വേണ്ടയോ എന്നത് അവൻ എടുക്കേണ്ട ഒരു തീരുമാനമാണ്”, ടെൻ ഹാഗ് കൂട്ടിച്ചേർത്തു. മഗ്വയർ ഈ സമ്മർ ട്രാൻസ്ഫർ വിൻഡോയിൽ ക്ലബ് വിടാം ശ്രമിക്കും എന്നാണ് പ്രതീക്ഷിക്കപ്പെടുന്നത്.