മുൻ ചെൽസി മാനേജർ ഗ്രഹാം പോട്ടറെ സ്വന്തമാക്കാൻ ലെസ്റ്റർ സിറ്റി ശ്രമിക്കുന്നു. പ്രീമിയർ ലീഗിലേക്ക് തിരികെയെത്തിയ ലെസ്റ്റർ സിറ്റിയുടെ പരിശീലകൻ എൻസോ മരെസ്ക ക്ലബിൽ നിന്ന് രാജിവെച്ച് ചെൽസിയിലേക്ക് പോയിരുന്നു. ലെസ്റ്റർ സിറ്റിയുടെ പുതിയ പരിശീലകനായുള്ള അന്വേഷണം ഇപ്പോൾ പോർട്ടറിൽ എത്തി നിൽക്കുകയാണ്. പോട്ടർ ലെസ്റ്റർ സിറ്റിയുമായി ചർച്ചകൾ ആരംഭിച്ചിട്ടുണ്ട്.
ചെൽസിയിലെ മോശം പ്രകടനങ്ങൾ പുറത്താക്കപ്പെട്ടതിനു ശേഷം പോട്ടർ ഒരു പരിശീലക സ്ഥാനവും ഏറ്റെടുത്തിട്ടില്ല. മുമ്പ് ബ്രൈറ്റണിൽ തന്റെ കോച്ചിങ് മികവ് പുറത്തെടുക്കാൻ പോട്ടറിനായിരുന്നു. പോട്ടർ മുമ്പും പല ക്ലബുകളുമായും ചർച്ചകൾ നടത്തിയിരുന്നു എങ്കിലും ഒരു ജോലിയും അദ്ദേഹം ഏറ്റെടുത്തിരുന്നില്ല. ഡി സെർബി ബ്രൈറ്റൺ വിട്ടപ്പോൾ ബ്രൈറ്റണിലേക്ക് പോർട്ടർ മടങ്ങി വരും എന്ന് വാർത്തകൾ ഉണ്ടായിരുന്നു. അതും നടന്നിരുന്നില്ല.
