ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ സിറ്റിക്ക് വിജയം. ഇന്ന് എവേ മത്സരത്തിൽ ബൗണ്മതിനെ നേരിട്ട മാഞ്ചസ്റ്റർ സിറ്റി മറുപടിയില്ലാത്ത ഒരു ഗോളിനാണ് വിജയിച്ചത്. ബൗണ്മതിന്റെ വലിയ വെല്ലുവിളി മറികടന്നാണ് സിറ്റി ജയിച്ചത്. ഫിൽ ഫോഡൻ ആണ് മാഞ്ചസ്റ്റർ സിറ്റിയുടെ ഗോൾ നേടിയത്. 24ആം മിനുട്ടിൽ ആയിരുന്നു ഫിൽ ഫോഡന്റെ ഗോൾ.
എർലിംഗ് ഹാളണ്ടിന് ഇന്നും ഗോൾ കണ്ടെത്താൻ ആയില്ല. രണ്ടാം പകുതിയിൽ ബൗണ്മത് നിരവധി അവസരങ്ങൾ സൃഷ്ടിച്ചു എങ്കില സമനില ഗോൾ നേടാൻ അവർക്ക് ആയില്ല. ഇന്നത്തെ വിജയത്തോടെ മാഞ്ചസ്റ്റർ സിറ്റി ലീഗിൽ ലിവർപൂളിന് തൊട്ടുപിറകിൽ എത്തി. മാഞ്ചസ്റ്റർ സിറ്റി 59 പോയിന്റും ഒന്നാമതുള്ള ലിവർപൂളിന് 60 പോയിന്റും ആണ് ഉള്ളത്.