ഇംഗ്ലീഷ് പ്രീമിയർ ലീഗിൽ എവർട്ടൻ ന്യൂ കാസിലിനോട് സമനില വഴങ്ങിയപ്പോൾ ഫുൾഹാം ലെസ്റ്ററിനോട് സമനിലയിൽ പിരിഞ്ഞു. ഇരു മത്സരങ്ങളും 1-1 എന്ന സ്കോറിലാണ് തുല്യത പാലിച്ചത്.
സ്വന്തം മൈതാനമായ ഗൂഡിസൻ പാർക്കിൽ പിറകിൽ പോയ ശേഷം തിരിച്ചടിച്ചാണ് മാർക്കോസ് സിൽവയുടെ ടീം വിലപ്പെട്ട പോയിന്റ് സ്വന്തമാക്കിയത്. 19 ആം മിനുട്ടിൽ സോളമൻ റോണ്ടനിലൂടെ ലീഡ് നേടിയ ന്യൂകാസിൽ പക്ഷെ 38 ആം മിനുട്ടിൽ റിച്ചാർലിസൻ നേടിയ ഗോളിന് സമനില വഴങ്ങി. നിലവിൽ 23 പൊടിന്റുമായി ആറാം സ്ഥാനത്താണ് എവർട്ടൻ. 13 പോയിന്റുള്ള ന്യൂകാസിൽ 13 ആം സ്ഥാനത്താണ്.
ക്ലാഡിയോ റണിയേറി ലെസ്റ്റർ പരിശീലക സ്ഥാനം വിട്ട ശേഷം ആദ്യമായി അവർക്കെതിന്റെ ഇറങ്ങുന്ന മത്സരം എന്ന നിലയിൽ ശ്രദ്ധേയമായിരുന്നു ഫുൾഹാം- ലെസ്റ്റർ മത്സരം. പക്ഷെ കമാറയുടെ ഗോളിൽ നേടിയ ലീഡ് ഫുൾഹാം 74 മിനുട്ട് വരെ പിടിച്ചു നിന്നെങ്കിലും ജെയിംസ് മാഡിസന്റെ ഗോളിൽ ലെസ്റ്റർ സമനില നേടുകയായിരുന്നു. നിലവിൽ 22 പോയിന്റുമായി ഒൻപതാം സ്ഥാനത്താണ് ലെസ്റ്റർ. 9 പോയിന്റുള്ള ഫുൾഹാം അവസാന സ്ഥാനത്തും.
