മുൻ സ്പെയിൻ നാഷണൽ ടീം മാനേജർ ലൂയിസ് എൻറികെയും ചെൽസിയും തമ്മിലുള്ള ചർച്ചകളും അവസാനിച്ചു. നഗൽസ്മാനും നേരത്തെ ചെൽസിയുമായുള്ള ചർച്ചകൾ അവസാനിപ്പിച്ചിരുന്നു. ഇതോടെ ഇപ്പോൾ ചെൽസി പരിശീലകനായി പോചടീനോ എത്താനുള്ള സാധ്യതകൾ വർധിച്ചു. പോചടീനോയുമായുള്ള ചർച്ചകൾ ചെൽസി തുടരുകയാണ് എന്ന് ഫബ്രിസിയോ റൊമാനോ റിപ്പോർട്ട് ചെയ്യുന്നു.
പ്രീമിയർ ലീഗിൽ പരിശീലിപ്പിക്കാൻ വലിയ ആഗ്രഹം ഉണ്ടായിരുന്ന ലൂയിസ് എൻറികെ ചെൽസിയിൽ ഈ സീസണിൽ തന്നെ ചുമതലയേൽക്കാൻ തയ്യാറായിരുന്നു. എന്നാൽ ചെൽസി മാനേജ്മെന്റും എൻറികെയും ആയി കരാർ ധാരണയിൽ ആയില്ല. എൻറികെ അടുത്ത് തന്നെ ക്ലബ് ഫുട്ബോളിൽ തിരികെയെത്തും എന്നാണ് പ്രതീക്ഷിക്കപ്പെടുന്നത്.