ആഴ്‌സണൽ പരിശീലക സ്ഥാനത്ത് നിന്ന് പുറത്താക്കപ്പെട്ടതിന് പിന്നാലെ ആഴ്‌സണൽ ആരാധകരോട് നന്ദി പറഞ്ഞ് ഉനൈ എമേറി. കഴിഞ്ഞ ദിവസമാണ് തുടർച്ചയായ മോശം പ്രകടനത്തെ തുടർന്ന് ഉനൈ എമേറിയെ ആഴ്‌സണൽ പുറത്താക്കിയത്.
ആഴ്‌സണൽ ആരാധകർക്ക് വേണ്ടി എഴുതിയ തുറന്ന കത്തിലാണ് ഉനൈ എമേറി ആരാധകരോട് നന്ദി പറഞ്ഞത്. ആഴ്‌സണൽ പരിശീലകനാവാൻ കഴിഞ്ഞതിൽ അഭിമാനമുണ്ടെന്നും ആഴ്‌സണലിനെ കൂടുതൽ അടുത്തറിയാൻ സാധിച്ചതിന് ആരാധാർക്ക് നന്ദിയുണ്ടെന്നും എമേറി പറഞ്ഞു. ആഴ്‌സണൽ താരങ്ങൾക്ക് ആരാധകർ കൂടുതൽ പിന്തുണ നല്കണമെന്നും എമേറി പറഞ്ഞു.
യൂറോപ്പ ലീഗിൽ ഫ്രാങ്ക്ഫർട്ടിനോട് 2-1ന് തോറ്റതോടെയാണ് ആഴ്‌സണൽ പരിശീലകൻ ഉനൈ എമേറിയെ പുറത്താക്കാൻ ക്ലബ് തീരുമാനിച്ചത്. കഴിഞ്ഞ 7 മത്സരങ്ങളിൽ ഒന്ന് പോലും ജയിക്കാൻ എമേറിക്ക് കീഴിൽ ആഴ്‌സണലിനായിരുന്നില്ല.
