മാഞ്ചസ്റ്റർ സിറ്റി മധ്യനിര താരം കെവിൻ ഡു ബ്രെയ്‌നെ വീണ്ടും പരിക്കേറ്റ് പുറത്ത്. ഏറെ നാളായി പരിക്കേറ്റ് പുറത്തായിരുന്നു താരം തിരിച്ചെത്തി കേവലം 2 മത്സരങ്ങൾക്ക് ശേഷം വീണ്ടും പുറത്തായത് സിറ്റിക്ക് കനത്ത തിരിച്ചടിയാകും.
ഫുൾഹാമിന് എതിരായ ലീഗ് കപ്പ് മത്സരത്തിന് ഇടയിലാണ് താരത്തിന് കാലിന് പരിക്കേറ്റത്. പരിക്കേറ്റ താരത്തിന് ചുരുങ്ങിയത് 5 ആഴ്ച്ചയെങ്കിലും കളത്തിന് പുറത്ത് ഇരിക്കേണ്ടി വരും എന്ന് ഉറപ്പാണ്. ഇതോടെ നിർണായകമായ മാഞ്ചസ്റ്റർ ഡർബിക്ക് താരം ഉണ്ടാവില്ല എന്നത് ഉറപ്പായി. ഈ സീസണിലെ തുടക്കത്തിൽ പരിക്കേറ്റ താരം 3 മാസത്തോളമായി കളത്തിന് പുറത്താണ്. താരത്തിന്റെ അഭാവത്തിൽ അവസരം ലഭിച്ച ബെർനാടോ സിൽവ തിളങ്ങുന്നത് സിറ്റിയുടെ കുതിപ്പിൽ നിർണായകമായി.
