ഇംഗ്ലീഷ് ക്ലബ് ബ്രന്റ്ഫോർഡിന്റെ സ്പാനിഷ് ഗോൾ കീപ്പർ ഡേവിഡ് റയ ടോട്ടനം ഹോട്സ്പറിലേക്ക് അടുക്കുന്നു. നേരത്തെ ബ്രന്റ്ഫോർഡിൽ കരാർ പുതുക്കാൻ വിസമ്മതിച്ച താരം ഏതാണ്ട് ടോട്ടനവും ആയി വ്യക്തിപരമായ കരാറിൽ ധാരണയിൽ എത്തി എന്നാണ് സൂചന.
ദീർഘകാല കരാർ ആവും താരത്തിന് ലഭിക്കുക. ക്ലബ് വിട്ട ഫ്രഞ്ച് ഗോൾ കീപ്പർ ഹ്യൂഗോ ലോറിസിന് പകരമായി റയയെ എത്തിക്കാൻ ആണ് ടോട്ടനം ശ്രമം. എന്നാൽ അതേസമയം താരത്തിന് ആയി 40 മില്യൺ പൗണ്ട് ആണ് ബ്രന്റ്ഫോർഡ് ചോദിക്കുന്നത്. ഇത് കൂടുതൽ ആണ് എന്ന നിലപാട് ആണ് ടോട്ടനത്തിനു അതിനാൽ തന്നെ ക്ലബുകൾ തമ്മിൽ ധാരണയിൽ എത്തേണ്ടത് ഈ ട്രാൻസ്ഫറിൽ പ്രധാനം ആണ്.