ചാമ്പ്യൻസ് ലീഗിൽ ലിയോണിനോട് സ്വന്തം മൈതാനത്ത് ഏറ്റ തോൽവിയിൽ നിന്ന് കര കയറാൻ മാഞ്ചസ്റ്റർ സിറ്റി ഇന്ന് കാർഡിഫിൽ. കാർഡിഫിനെതിരെ പ്രീമിയർ ലീഗിൽ അവരുടെ മൈതാനത്താണ് മത്സരം. ഇന്ത്യൻ സമയം രാത്രി 7.30 നാണ് മത്സരം.
കാർഡിഫ് നിരയിൽ പരിക്ക് മാറി ഹാരി ആർതർ തിരിച്ചെത്തുമെങ്കിലും ആരോൺ ഗുണാർസൻ പരിക്ക് കാരണം തിരിച്ചെത്തില്ല. മാഞ്ചസ്റ്റർ സിറ്റി നിരയിൽ ലിയോണിനെതിരെ ബെഞ്ചിൽ ഇരുന്ന സെർജിയോ അഗ്യൂറോ ആദ്യ ഇലവനിലക്ക് തിരിച്ചെത്തും. ബെഞ്ചമിൻ മെൻഡി പരിക്ക് കാരണം ഇന്നും കളിക്കില്ല. ലിയോണിനെതിരെ മോശം പ്രകടനം പുറത്തെടുത്തെങ്കിലും ഫാബിയൻ ഡെൽഫ് തന്നെയാവും സിറ്റി ലെഫ്റ്റ് ബാക്ക്.