ചെൽസി മിഡ്ഫീൽഡർ എൻ’ഗോലോ കാന്റെയ്ക്ക് വീണ്ടും പരിക്ക്. താരം ഇനി ഈ സീസണിൽ കളിക്കില്ല എന്ന് ചെൽസി മാനേജർ ഫ്രാങ്ക് ലാംപാർഡ് സ്ഥിരീകരിച്ചു, ഫ്രഞ്ച് മിഡ്ഫീൽഡർ ആഴ്ചകളോളം പുറത്തിരിക്കുമെന്നാണ് കരുതപ്പെടുന്നത്. ഇനി അടുത്ത പ്രീസീസണിൽ മാത്രമെ കാന്റെ തിരികെയെത്തുകയുള്ളൂ.
ഈ സീസണിൽ പരിക്ക് നിരന്തരം കാന്റെയുടെ വില്ലനായിരുന്നു. ഓഗസ്റ്റിൽ ടോട്ടൻഹാമിനെതിരായ മത്സരത്തിൽ പരിക്കേറ്റ താരം മാസങ്ങളോളം പുറത്തിരിക്കേണ്ടി വന്നിരുന്നു. ഖത്തറിൽ നടന്ന 2022 ലോകകപ്പ് അടക്കം അദ്ദേഹത്തിന് നഷ്ടമായി. ചെൽസിയുമായി പുതിയ കരാർ ചർച്ചകൾ നടക്കെ വീണ്ടും പരിക്കേറ്റത് കാന്റെക്ക് തിരിച്ചടിയാണ്.