2018 ലെ ആദ്യ പ്രീമിയർ ലീഗ് ജയം തേടി ചെൽസി ഇന്ന് ബ്രയ്ട്ടൻ ഹോവ് ആൽബിയനെ നേരിടും. ബോക്സിങ് ഡേയിൽ ബ്രയ്ട്ടനെതിരെ നേടിയ ജയം തുടരാനാവും ഇന്ന് ചെൽസിയുടെ ശ്രമം. ബ്രയ്ട്ടന്റെ മൈതാനത്താണ് മത്സരം അരങ്ങേറുക. നോർവിച്ചിനെതിരെ എഫ് എ കപ്പ് മത്സരത്തിലെ ജയത്തിന് ശേഷമാണ് ചെൽസി പ്രീമിയർ ലീഗ് പോരാട്ടത്തിന് ഇറങ്ങുന്നത്. ഇന്ന് ഇന്ത്യൻ സമയം വൈകിട്ട് 6 നാണ് മത്സരം കിക്കോഫ്.
ഗോൾ കണ്ടെത്താൻ വിഷമിക്കുന്ന മുന്നേറ്റ നിരയാണ് ചെൽസി നേരിടുന്ന പ്രധാന വെല്ലുവിളി. അവസാന 4 മത്സരങ്ങളിൽ ഒരു തവണ മാത്രമാണ് അവർക്ക് ഗോൾ നേടാനായത്. പ്രതിരോധം ലീഗിലെ തന്നെ മികച്ചതാണെങ്കിലും അതിന്റെ ഫലം പോയിന്റിൽ കണ്ടെത്താൻ അവർക്കാവുന്നില്ല. നോർവിച്ചിനെതിരെ ചുവപ്പ് കാർഡ് കണ്ട മൊറാത്ത, പെഡ്രോ എന്നിവർക്ക് ഇന്നത്തെ മത്സരത്തിൽ കളിക്കാനാവില്ല. കൂടാതെ പരിക്കേറ്റ ഫാബ്രിഗാസും, ഗാരി കാഹിലും ഇന്ന് കളിച്ചേക്കില്ല. പുതുതായി ടീമിലെത്തിയ റോസ് ബാർക്ലി ഇന്ന് അരങ്ങേറിയേക്കും. എങ്കിലും തുടക്കം മുതൽ കളിക്കാനുള്ള സാധ്യത വിരളമാണ്. ബ്രയ്ട്ടൻ നിരയിൽ കാര്യമായ പരിക്കില്ല. സീസണിൽ നേരത്തെ ഏറ്റുമുട്ടിയപ്പോൾ എതിരില്ലാത്ത 2 ഗോളുകൾക്ക് ചെൽസി ജയിച്ചിരുന്നു.
കൂടുതൽ കായിക വാർത്തകൾക്ക് : www.facebook.com/FanportOfficial
