ജൂനിയർ ഹോയ്ലേറ്റിന്റെ വൈകിവന്ന ഗോളിൽ കാർഡിഫിന് പ്രീമിയർ ലീഗിൽ ജയം. സ്വന്തം മൈതാനത്ത് വോൾവ്സിനെ 2-1 നാണ് അവർ മറികടന്നത്. ജയത്തോടെ പ്രീമിയർ ലീഗിൽ അവസാന സ്ഥാനക്കാർ എന്നതിൽ നിന്ന് മാറി 15 ആം സ്ഥാനത്തേക്ക് ഉയരാൻ കാർഡിഫിനായി. ഒരു ഗോളിന് മുന്നിട്ട് നിന്ന ശേഷമാണ് വോൾവ്സ് തോൽവി വഴങ്ങിയത്.
മത്സരത്തിൽ തുടക്കം മുതൽ വോൾവ്സ് പിൻസീറ്റിലായിരുന്നു വോൾവ്സ്. പക്ഷെ 18 ആം മിനുട്ടിൽ ഡോഹർത്തിയുടെ ഗോളിൽ അവർക്ക് ലീഡ് നേടാൻ ആയെങ്കിലും രണ്ടാം പകുതിയിൽ ലീഡ് നിലനിർത്താൻ അവർക്കായില്ല. 65 ആം മിനുട്ടിൽ ആരോൺ ഗുണ്ണാർസൻ കാർഡിഫിന്റെ സമനില ഗോൾ നേടി. പിന്നീട് 77 ആം മിനുട്ടിൽ കിടിലനൊരു ഫിനിഷിൽ ഹോയ്ലേറ്റ് കാർഡിഫിന്റെ ജയം ഉറപ്പിക്കുകയായിരുന്നു.