2021ൽ മാഞ്ചസ്റ്റർ യുണൈറ്റഡിന് കിരീടം നേടാൻ ആകും എന്ന് ബ്രൂണൊ ഫെർണാണ്ടസ്

Newsroom

Download the Fanport app now!
Appstore Badge
Google Play Badge 1

മാഞ്ചസ്റ്റർ യുണൈറ്റഡിനൊപ്പം 2021ൽ കിരീടം നേടാൻ ആകും എന്ന് മാഞ്ചസ്റ്റർ യുണൈറ്റഡ് താരം ബ്രൂണൊ ഫെർണാണ്ടസ്. താൻ ഇവിടെ എത്തിയതിന് ശേഷമുള്ള ഒരു വർഷം തനിക്ക് ഗംഭീരമായിരുന്നു. കിരീടം ഒഴികെ എല്ലാം സന്തോഷകരമാണ്. ഈ ടീമിന് 2021ൽ കിരീടം നേടാൻ ആകും എന്നും അതാണ് പ്രധാന ലക്ഷ്യം എന്നും ബ്രൂണൊ ഫെർണാണ്ടസ് പറഞ്ഞു.

ഗോളുകളും അസിസ്റ്റും കൂടുതൽ നേടാൻ കഴിയുന്നത് ഈ ക്ലബിൽ ആയതു കൊണ്ടാണ്. ഇവിടെ അത്രം മികച്ച താരങ്ങളാണ് ഉള്ളത്. അതുകൊണ്ട് ഗോളുകളും അസിസ്റ്റും നേടുക എളുപ്പമാണെന്നും പോർച്ചുഗീസ് താരം പറഞ്ഞു. ഈ സീസൺ അവസാനിക്കുമ്പോൾ മത്സരങ്ങളെക്കാൾ ഗോളും അസിസ്റ്റും ഉണ്ടാകണം എന്നാണ് തന്റെ ആഗ്രഹം. ബ്രൂണോ പറഞ്ഞു. ആരാധകർക്ക് സന്തോഷം നൽകുകയാണ് എപ്പോഴും ലക്ഷ്യം എന്നും മാഞ്ചസ്റ്റർ യുണൈറ്റഡ് ആണ് ലോകത്തെ ഏറ്റവും വലിയ ക്ലബ് എന്നും ബ്രൂണൊ ഫെർണാണ്ടസ് പറഞ്ഞു.