ഇംഗ്ലീഷ് പ്രീമിയർ ലീഗ് ക്ലബായ ബ്രൈറ്റണിൽ ഒരു താരത്തിന് കൂടെ കൊറോണ സ്ഥിരീകരിച്ചതായി ക്ലബ് അറിയിച്ചു. ഇന്നലെ നടത്തിയ പരിശോധനയിലാണ് ഒരു ഫസ്റ്റ് ടീം താരത്തിന് കൊറൊണ പോസിറ്റീവ് ആയത്. നേരത്തെ ബ്രൈറ്റന്റെ രണ്ട് താരങ്ങൾ കൊറോണ പോസിറ്റീവ് ആയിരുന്നു. ആരുടെയും പേര് ക്ലബ് പുറത്തു വിട്ടില്ല.
ഇന്നലെ കൊറോണ സ്ഥിരീകരിച്ച താരം 14 ദിവസം ഐസൊലേഷനിൽ കഴിയും എന്ന് ക്ലബ് അറിയിച്ചു. താരത്തിന്റെ ആരോഗ്യ നില തൃപ്തികരമാണ്. ടീമിലെ മറ്റു താരങ്ങൾക്ക് ടീമിന്റെ പരിശീലന ഗ്രൗണ്ടിൽ പരിശീലനം നടത്താം എന്ന് ബ്രൈറ്റൺ അറിയിച്ചു.