ചെൽസി യുവതാരം താരം ഗിൽമോറിനെ സ്വന്തമാക്കാൻ പ്രീമിയർ ലീഗിലേക്ക് മടങ്ങിയെത്തിയ നോർവിച്ച് സിറ്റി രംഗത്ത്. ഗിൽമോറിനെ ലോണിൽ ടീമിൽ എത്തിക്കാനാണ് നോർവിച്ച് ശ്രമിക്കുന്നത്. ഫസ്റ്റ് ടീം ഫുട്ബോൾ ലഭിക്കാൻ വേണ്ടി ചെൽസി താരത്തെ ലോണിൽ അയക്കാനുള്ള സാധ്യത കൂടുതലാണ്.
നേരത്തെ യൂറോ കപ്പിൽ ഇംഗ്ലണ്ടിനെതിരെ കളിച്ച് കൊണ്ട് ഗിൽമോർ സ്കോട്ലൻഡിന് വേണ്ടി അരങ്ങേറ്റവും നടത്തിയിരുന്നു. ഇംഗ്ലണ്ടിനെതിരായ മത്സരത്തിൽ മികച്ച പ്രകടനം പുറത്തെടുത്ത ഗിൽമോർ മാൻ ഓഫ് ദി മാച്ച് പുരസ്കാരവും സ്വന്തമാക്കിയിരുന്നു. തുടർന്ന് താരത്തിന് കോവിഡ് പോസിറ്റീവ് ആയതോടെ താരം 10 ദിവസത്തേക്ക് ഐസൊലേഷനിൽ പോവുകയും ചെയ്തിരുന്നു. താരത്തിന്റെ ഐസൊലേഷൻ പൂർത്തിയായതിനു ശേഷം നോർവിച്ചിൽ താരത്തിന്റെ മെഡിക്കൽ നടക്കുമെന്നാണ് കരുതപ്പെടുന്നത്.
