ഇംഗ്ലീഷ് പ്രീമിയർ ലീഗിൽ ഇന്ന് ആഴ്സണലിന് വീണ്ടും വമ്പന്മാരുടെ വെല്ലുവിളി. അതി ശക്തരായ മാഞ്ചസ്റ്റർ സിറ്റിയാണ് ഇന്ന് ലണ്ടൻ ക്ലബ്ബിന്റെ എതിരാളികൾ. ഇന്ന് ഇന്ത്യൻ സമയം വൈകീട്ട് 5 മണിക്ക് സിറ്റിയുടെ മൈതാനമായ എത്തിഹാദ് സ്റ്റേഡിയത്തിൽ ആണ് കളി അരങ്ങേറുക.
ലീഗിൽ ആദ്യത്തെ 2 കളിയും തോറ്റ ആഴ്സണലിന് ഇന്നത്തേത് നിർണായക പോരാട്ടമാണ്. ഇന്നും തോറ്റാൽ അത് പരിശീലകൻ ആർട്ടറ്റക്ക് വൻ സമ്മർദ്ദം ആകും നൽകുക. മറുവശത്ത് സിറ്റി നോർവിച്ചിനെ എതിരില്ലാത്ത 5 ഗോളുകൾക്ക് തകർത്ത ആവേശവുമായാണ് എത്തുന്നത്. സിറ്റി നിരയിൽ കെവിൻ ഡു ബ്രെയ്ൻ, ഫോടൻ എന്നിവർ ഇന്നും കളിക്കാൻ സാധ്യത ഇല്ല. ആഴ്സണൽ നിരയിൽ ബകായോ സാക കളിച്ചേക്കും. ലീഗ് കപ്പ് മത്സരത്തിന് ഇടയിൽ താരത്തിന് ഏറ്റ പരിക്ക് അത്ര സാരമുള്ളതല്ല.