ഇംഗ്ലീഷ് പ്രീമിയർ ലീഗിൽ വെസ്റ്റ് ഹാമിന് സമനില. ഹഡേഴ്സ്ഫീൽഡ് ടൗണാണ് പല്ലെഗ്രിനിയുടെ ടീമിനെ സമനിലയിൽ തളച്ചത്. ഇരു ടീമുകളും ഓരോ ഗോൾ വീതം നേടി.
മത്സര തുടക്കത്തിൽ തന്നെ ഹഡേഴ്സ്ഫീൽഡ് മികച്ച ഗോളോടെ മുന്നിലെത്തുകയായിരുന്നു. പ്രിച്ചാർഡിന്റെ ഷോട്ട് തടുക്കുന്നതിൽ വെസ്റ്റ് ഹാം ഗോളി ലൂക്കസ് ഫാബിയൻസ്കി പരാജയപ്പെട്ടതോടെ ഹഡേഴ്സ്ഫീൽഡ് മുന്നിലെത്തി. മത്സരത്തിൽ പിന്നീടും കാര്യമായി വെസ്റ്റ് ഹാം ഒന്നും ചെയ്തില്ല. അനാടോവിച് അടക്കമുള്ള വെസ്റ്റ് ഹാം ആക്രമണ നിര ഫോം കണ്ടെത്താൻ ഏറെ വിഷമിച്ചു. പക്ഷെ കളി 74 ആം മിനുട്ട് പിന്നിട്ടപ്പോൾ ഫിലിപ്പേ ആൻഡേഴ്സൺ രക്ഷക്കത്തി. താരത്തിന്റെ ഇടം കാലൻ ഷോട്ട് വലയിൽ പതിച്ചതോടെ വെസ്റ്റ് ഹാമിന് ആശ്വാസ സമനില ഉറപ്പായി.
12 പോയിന്റുള്ള വെസ്റ്റ് ഹാം നിലവിൽ 13 ആം സ്ഥാനത്താണ്. 7 പോയിന്റുള്ള ഹഡേഴ്സ്ഫീൽഡ് 19 ആം സ്ഥാനത്തും.