യൂറോപ്പിലെ ടോപ് 5 ലീഗുകൾ എല്ലാത്തിലും പരിശീലകൻ എന്ന നിലയിൽ കിരീടം നേടുന്ന ആദ്യ പരിശീലകനായി കാർലോ ആഞ്ചലോട്ടി പുതിയ റെക്കോർഡ് സൃഷ്ടിച്ചു. ഇന്ന് റയലിന് ഒപ്പം ല ലീഗ കിരീടം നേടിയാണ് ഇറ്റലിക്കാരനായ ആഞ്ചലോട്ടി അപൂർവ്വ റെക്കോർഡ് സൃഷ്ടിച്ചത്.
ആദ്യ ശ്രമത്തിൽ റയലിന് ഒപ്പം ചാമ്പ്യൻസ് ലീഗ് കിരീടം നേടാൻ അഞ്ചലോട്ടിക്ക് സാധിച്ചെങ്കിലും ലീഗ് കിരീടം നേടുന്ന മുൻപേ പുറത്തായിരുന്നു. പക്ഷെ തന്റെ രണ്ടാം വരവിൽ ലീഗ് കിരീടം ഉറപ്പിച്ച അദ്ദേഹം കരിയറിൽ മറ്റൊരു നേട്ടം കൂടെ സ്വന്തം പേരിലാക്കി. നേരത്തെ ചെൽസി പരിശീലകനായി പ്രീമിയർ ലീഗും, മിലാന്റെ പരിശീലകനായി ഇറ്റലിയൻ സീരി എ കിരീടവും, പി യെസ് ജി പരിശീലകനായി ഫ്രഞ്ച് ലീഗ് ഓൺ കിരീടവും, ബയേണിന് ഒപ്പം ബുണ്ടസ് ലീഗയും അദ്ദേഹം സ്വന്തമാക്കിയിട്ടുണ്ട്.