സ്പർസ് മിഡ്ഫീൽഡർ ഡലെ അലിക്ക് പരിക്ക്. ഹാം സ്ട്രിംഗ് പരിക്കുള്ള താരത്തിന് ഇതോടെ നിർണായക മത്സരങ്ങൾ നഷ്ടമാകും. ചാമ്പ്യൻസ് ലീഗിൽ ബാഴ്സലോണക്ക് എതിരെയുള്ള മത്സരവും താരത്തിന് നഷ്ടമാകും എന്ന് ഉറപ്പായി.
ഇംഗ്ലണ്ടിന് വേണ്ടി കളിക്കുന്നതിനിടെ പരിക്കേറ്റ താരത്തിന് ചാമ്പ്യൻസ് ലീഗിൽ ഇന്റർ മിലാന് എതിരായ മത്സരവും ലീഗിൽ ലിവർപൂളിന് എതിരായ മത്സരവും നേരത്തെ തന്നെ നഷ്ടമായിരുന്നു. പക്ഷെ ലീഗ് കപ്പിൽ വാട്ട്ഫോഡിന് എതിരെ താരം ഇറങ്ങിയെങ്കിലും വീണ്ടും പരിക്ക് പിടികൂടുകയായിരുന്നു.