ലിവർപൂളിന് വലിയ തിരിച്ചടി. അവരുടെ പ്രധാന താരമായ ട്രെന്റ് അലക്സാണ്ടർ-അർനോൾഡിന് കാൽമുട്ടിന് പരിക്കേറ്റതായി ക്ലബ് അറിയിച്ചു. താരം ആഴ്ചകളോളം പുറത്തിരിക്കും എന്നാണ് റിപ്പോർട്ട്. ആഴ്സണലിനെതിരായ എഫ് എ കപ്പ് മത്സരത്തിൽ ലിവർപൂളിന്റെ ജയത്തിൽ അർനോൾഡ് പ്രധാന പങ്കുവഹിച്ചിരുന്നു. ആ മത്സരത്തിൽ ആണ് താരത്തിന് പരിക്കേറ്റത്.
അർനോൾഡ്, റൊബേർട്സൺ, സിമികസ്, മാറ്റിപ്, തിയാഗോ, സബൊസ്ലായിൽ തിടങ്ങി ലിവർപൂളിന്റെ പരിക്ക് ലിസ്റ്റ് ഇപ്പോൾ വലുതാണ്. കൂടാതെ സലാ AFCON കളിക്കാനായും എൻഡോ ഏഷ്യൻ കപ്പ് കളിക്കാനായും പോയിരിക്കുകയാണ്. വരും ആഴ്ചകളിൽ ഇത് ലിവർപൂളിന് വലിയ സമ്മർദ്ദം നൽകും.