കൊറോണ വൈറസ് ബാധ; ന്യൂകാസിൽ യുണൈറ്റഡ് – സൗതാമ്പ്ടൺ മത്സരം മാറ്റിവെച്ചു

പ്രീമിയർ ലീഗിൽ കൊറോണ വൈറസ് ബാധയെ തുടർന്ന് ന്യൂകാസിലും സൗതാമ്പ്ടണും തമ്മിൽ നടക്കേണ്ട മത്സരം മാറ്റിവെച്ചു. ന്യൂകാസിൽ ടീമിൽ കൊറോണ കേസുകൾ കൂടിയതും താരങ്ങളുടെ പരിക്കുമാണ് ഞായറഴ്ച നടക്കേണ്ട മത്സരം മാറ്റിവെക്കാൻ തീരുമാനിച്ചത്.

കഴിഞ്ഞ ദിവസം നടക്കേണ്ടിയിരുന്ന ന്യൂകാസിൽ യുണൈറ്റഡിന്റെ എവർട്ടണെതിരായ മത്സരവും ഇതേ കാരണം കൊണ്ട് മാറ്റിവച്ചിരുന്നു. കഴിഞ്ഞ ദിവസം മാഞ്ചസ്റ്റർ യുണൈറ്റഡിനെതിരായ മത്സരത്തിന് 8 താരങ്ങളെ മാത്രമാണ് പകരക്കാരുടെ ബെഞ്ചിൽ ഇരുത്താൻ ന്യൂ കാസിൽ യൂണൈറ്റഡിനായത്. തുടർന്നാണ് ന്യൂ കാസിൽ യുണൈറ്റഡ് മത്സരം മാറ്റിവെക്കാൻ പ്രീമിയർ ലീഗിനോട് അഭ്യർത്ഥിച്ചത്.