താൻ വിരമിക്കുകയാണ് എന്ന വാർത്തകൾ അടിസ്ഥാന രഹിതമാണ് എന്ന് പോൾ പോഗ്ബ. ഇന്നലെ ബെൽജിയത്തിന് എതിരായ യൂറോ കപ്പ് മത്സരം കാണാൻ എത്തിയ പോഗ്ബ മത്സരത്തിനു ശേഷം സംസാരിക്കുക ആയിരുന്നു. ഉത്തേജകമരുന്ന് ഉപയോഗിച്ചതിന് ഇപ്പോൾ ദീർഘകാല വിലക്ക് നേരിടുകയാണ് പോഗ്ബ ഇപ്പോൾ.
“ഞാൻ ഇപ്പോഴും ഒരു ഫുട്ബോൾ കളിക്കാരനാണ്. ഞാൻ വിരമിക്കുകയാണെന്ന് പറയുന്ന വാർത്തകളിലേക്ക് നോക്കരുത്, ഞാൻ ഫിനിഷ്ഡ് എന്ന് പറയുന്നവരെയും കേൾക്കരുത്… എനിക്ക് എൻ്റെ കരിയറിന് വേണ്ടി പോരാടണം, ഞാൻ ശുഭാപ്തിവിശ്വാസത്തിൽ ആണ്”. പോഗ്ബ പറഞ്ഞു.
“ഞാൻ അവസാനിപ്പിച്ചിട്ടില്ല. ഞാൻ കഠിനമായി പരിശീലിക്കുന്നു! ഞാൻ ഇപ്പോഴും 100% ഫുട്ബോൾ കളിക്കാരനാണ്. പിച്ചിൽ തിരിച്ചെത്താൻ ആയി താൻ കാത്തിരിക്കുകയാണ്”, സ്കൈ സ്പോർട്ടിനോട് പോഗ്ബ പറഞ്ഞു.