എഫ്സി പോർട്ടോ തങ്ങളുടെ വെറ്ററൻ സെന്റർ ബാക്ക് പെപ്പെ 2024 ജൂൺ വരെ ക്ലബ്ബിൽ നിലനിർത്തുന്ന പുതിയ കരാറിൽ ഒപ്പുവെച്ചതായി പ്രഖ്യാപിച്ചു. 40കാരനായ പോർച്ചുഗീസ് ഇന്റർനാഷണൽ 2019 ൽ പോർട്ടോയിലേക്ക് മടങ്ങിയതിന് ശേഷം ടീമിന്റെ അവിഭാജ്യ ഘടകമാണ്. ഇപ്പോൾ ഒരു വർഷത്തേക്ക് കൂടെ തന്റെ സേവനം പെപ്പെ ക്ലബിനു നൽകും.
പുതിയ കരാർ ഒപ്പിട്ടതിൽ പെപ്പെ തന്റെ സന്തോഷം പ്രകടിപ്പിച്ചു, “എഫ്സി പോർട്ടോയ്ക്കൊപ്പം എന്റെ യാത്ര തുടരുന്നതിൽ എനിക്ക് അതിയായ സന്തോഷമുണ്ട്. ഞാൻ എപ്പോഴും എന്റെ കഴിവിന്റെ പരമാവധി പ്രവർത്തിക്കുകയും ഈ ക്ലബ്ബിനായി രാം നൽകുകയും ചെയ്യും.” പെപ്പെ പറഞ്ഞു.
പോർട്ടോ, റയൽ മാഡ്രിഡ്, പോർച്ചുഗീസ് ദേശീയ ടീം എന്നിവയ്ക്കൊപ്പം നിരവധി കിരീടങ്ങൾ നേടിയ പെപ്പെ അടുത്ത സീസൺ അവസാനം വിരമിക്കും എന്നാണ് പ്രതീക്ഷിക്കപ്പെടുന്നത്.