ക്രിക്കറ്റ് നിയമങ്ങൾ പഠിപ്പിച്ച് തരാൻ ഇന്ത്യൻ ക്രിക്കറ്റ് ടീം ക്യാപ്റ്റൻ വിരാട് കോഹ്‌ലിയോട് ആവശ്യപ്പെട്ട് മാഞ്ചസ്റ്റർ സിറ്റി പരിശീലകൻ പെപെ ഗ്വാർഡിയോള. ക്രിക്കറ്റിലെ നിയമങ്ങൾ കഠിനമാണെന്നും പറ്റുമെങ്കിൽ തനിക്ക് അത് വിവരിച്ച് താരണമെന്നും പെപ് ഗ്വാർഡിയോള വിരാട് കോഹ്‌ലിയോട് ആവശ്യപ്പെട്ടു. വിരാട് കോഹ്‌ലിയുടെ സ്പോൺസറായ പ്യൂമ ഇന്ത്യ സംഘടിപ്പിച്ച ഇൻസ്റ്റാഗ്രാം ലൈവിൽ സംസാരിക്കുകയായിരുന്നു ഇരുവരും.
താൻ ജനിച്ചു വളർന്ന കാറ്റലോണിയയിൽ ക്രിക്കറ്റ് അറിയുന്നവർ കുറവാണെന്നും 3 ദിവസം കളിച്ചിട്ടും ക്രിക്കറ്റ് മത്സരം സമനിലയിൽ അവസാനിക്കുമെന്ന് കേട്ടിട്ടുണ്ടെന്നും അത് തനിക്ക് ഇതുവരെ മനസ്സിലായിട്ടില്ലെന്നും ഗ്വാർഡിയോള പറഞ്ഞു. ഫുട്ബോളിലെ നിയമങ്ങൾ വളരെ എളുപ്പമാണെന്നും അതുകൊണ്ടാണ് ഫുട്ബോളിന് ഇത്ര പ്രചാരം ലഭിച്ചതെന്നും വിരാട് കോഹ്‌ലി പറഞ്ഞു. അഞ്ച് ദിവസം കളിച്ചിട്ടും എന്തുകൊണ്ടാണ് മത്സരം സമനിലയിൽ അവസാനിക്കുന്നതെന്ന് തന്നോട് ക്രിക്കറ്റ് അറിയാത്ത പലരും ചോദിച്ചിട്ടുണ്ടെന്നും ഞമ്മൾ തമ്മിൽ കണ്ടുമുട്ടുമ്പോൾ ക്രിക്കറ്റ് നിയമങ്ങൾ പറഞ്ഞു താരമെന്നും വിരാട് കോഹ്‌ലി പറഞ്ഞു.
താൻ ഇതുവരെ ഇന്ത്യയിൽ സന്ദർശനം നടത്തിയിട്ടില്ലെന്നും കോവിഡ് മഹാമാരിക്ക് ശേഷം താൻ തീർച്ചയായും ഇന്ത്യയിൽ സന്ദർശനം നടത്തുമെന്നും ഗ്വാർഡിയോള പറഞ്ഞു. ഞമ്മൽ തമ്മിൽ കണ്ടുമുട്ടകയാണെങ്കിൽ തീർച്ചയായും ക്രിക്കറ്റിന്റെ നിയമങ്ങൾ തനിക്ക് പറഞ്ഞു തരണമെന്നും ക്രിക്കറ്റ് ഏറ്റവും പ്രയാസമേറിയ കളിയാണെന്നും ഗ്വാർഡിയോള പറഞ്ഞു.
