സൂപ്പർ സ്റ്റാറുകളുടെ വമ്പൻ നിരയുള്ള മോഹൻ ബഗാൻ എ എഫ് സി കപ്പ് ഗ്രൂപ്പ് ഘട്ടം കടക്കില്ല എന്ന് ഉറപ്പായി. ഇന്ന് ഗ്രൂപ്പ് ഘട്ടത്തിൽ നടന്ന മത്സരത്തിൽ ഒഡീഷ എഫ് സിയോട് വൻ പരാജയം ആണ് മോഹൻ ബഗാൻ നേരിട്ടത്. രണ്ടിനെതിരെ അഞ്ചു ഗോളുകൾക്ക് ആണ് ഒഡീഷ ഇന്ന് വിജയിച്ചത്. തുടക്കത്തിൽ 17ആം മിനുട്ടിൽ ഹ്യൂഗോ ബോമസിലൂടെ മോഹൻ ബഗാൻ ആയിരുന്നു ലീഡ് എടുത്തത്. അവിടെ നിന്ന് തിരിച്ചടിച്ച് ഒഡീഷ വിജയം സ്വന്തമാക്കി.
30ആം മിനുട്ടിൽ റോയ് കൃഷ്ണയിലൂടെ അവർ സമനില കണ്ടെത്തി. രണ്ടു മിനുട്ടിനകം മൗറീസിയോയുടെ ഗോൾ ഒഡീഷക്ക് ലീഡും നൽകി. 41ആം മിനുട്ടിൽ ഗോദാർദ് കൂടെ ഗോൾ നേടിയതോടെ 3-1ന്റെ ലീഡുമായി ഒഡീഷ ആദ്യ പകുതി അവസാനിപ്പിച്ചു.
63ആം മിനുട്ടിൽ കിയാൻ നസിരിയുടെ ഗോൾ മോഹൻ ബഗാന് പ്രതീക്ഷ നൽകി. സ്കോർ 2-3. പക്ഷെ അവസാനം അനികേത് ജാദവും ഇസാകും ഗോൾ കണ്ടെത്തിയതോടെ 5-2ന്റെ വലിയ വിജയം ഒഡീഷ ഉറപ്പിച്ചു.
ഗ്രൂപ്പ് ഡിയിൽ 9 പോയിന്റുമായി ഒഡീഷ ആണ് ഒന്നാമത്. 10 പോയിന്റുമായി ബസുന്ധര കിങ്സ് ആണ് ഒന്നാമത്. അവസാന മത്സരത്തിൽ ഒഡീഷയുൻ ബസുന്ധര കിങ്സുമാണ് കളിക്കേണ്ടത്. അതുകൊണ്ട് തന്നെ 7 പോയിന്റുള്ള മോഹൻ ബഗാന് ഇനി അടുത്ത റൗണ്ട് സാധ്യതകൾ ഇല്ല.