സന്തോഷ് ട്രോഫിയിൽ ഇന്ന് കേരളവും ഒഡീഷയും നേർക്കുനേർ വരുന്നു. കേരളം നിലവിൽ 4 പോയിന്റുമായി 4-ാം സ്ഥാനത്താണ്. ഗ്രൂപ്പിലെ ആദ്യ 2 ടീമുകൾ മാത്രമേ സെമിഫൈനലിലേക്ക് യോഗ്യത നേടൂ, അതുകൊണ്ട് തന്നെ പ്രതീക്ഷകൾ നിലനിർത്താൻ കേരളത്തിന് ഒരു വിജയം അനിവാര്യമാണ്.
ഗോവയ്ക്കെതിരെ തകർപ്പൻ ജയത്തോടെയാണ് കേരളം സന്തോഷ് ട്രോഫി ഫൈനൽ റൗണ്ട് തുടങ്ങിയതെങ്കിലും തങ്ങളുടെ രണ്ടാം മത്സരത്തിൽ കർണാടകയോട് പരാജയപ്പെട്ടു. മഹാരാഷ്ട്രയ്ക്കെതിരായ മൂന്നാം മത്സരത്തിൽ കേരളം 4-4ന് സമനിലയിലും പിരിഞ്ഞു. ഇതാണ് കേരളത്തിന്റെ സെമി സാധ്യത ആശങ്കയിൽ ആക്കിയത്. ഉച്ചകഴിഞ്ഞ് 3 മണിക്ക് ആരംഭിക്കുന്ന മത്സരം ഇന്ത്യൻ ഫുട്ബോൾ യൂട്യൂബ് പേജിൽ തത്സമയ സ്ട്രീമിംഗ് ലഭ്യമാകും.