നോട്ടിങ്ഹാം ഫോറസ്റ്റ് അവരുടെ ഗംഭീര ഫോം തുടരുകയാണ്. മോളിനക്സിൽ വോൾവർഹാംപ്ടൺ വാണ്ടറേഴ്സിനെ 3-0ന് പരാജയപ്പെടുത്തി കൊണ്ട് നോട്ടിംഗ്ഹാം ഫോറസ്റ്റ് പ്രീമിയർ ലീഗ് ലീഡർമാരായ ലിവർപൂളിന് ആറ് പോയിൻ്റ് മാത്രം പിറകിൽ എത്തി.
മോർഗൻ ഗിബ്സ്-വൈറ്റ്, ക്രിസ് വുഡ് എന്നിവരുടെ ആദ്യ പകുതിയിലെ ഗോളുകളും തായ്വോ അവോനിയിയുടെ ഇഞ്ചുറി ടൈം സ്ട്രൈക്കും ആണ് ഫോറസ്റ്റിൻ്റെ തുടർച്ചയായ ആറാം ലീഗ് വിജയം ഉറപ്പിച്ചത്. ഈ വിജയത്തോടെ നുനോ എസ്പിരിറ്റോ സാൻ്റോയുടെ ടീം രണ്ടാം സ്ഥാനക്കാരായ ലിവർപൂളിനൊപ്പം എത്തി. ആഴ്സണലിനൊപ്പം 40 പോയിൻ്റ് അവർക്കുണ്ട്, എന്നാൽ ഗോൾ വ്യത്യാസത്തിൽ ആഴ്സണൽ മുന്നിൽ തന്നെ തുടരുന്നു.