ആർബി ലെപ്സിഗ് സ്ട്രൈക്കർ ബെഞ്ചമിൻ സെസ്കോയ്ക്ക് വേണ്ടി ന്യൂകാസിൽ യുണൈറ്റഡ് മുന്നോട്ടുവെച്ച €80 മില്യൺ യൂറോയുടെ ഓഫർ, താരത്തിന് ക്ലബ് വിലയിട്ട തുകയ്ക്ക് താഴെയായതുകൊണ്ട് ബുണ്ടസ്ലിഗ ക്ലബ് നിരസിച്ചു. അലക്സാണ്ടർ ഇസാക്കിന്റെ സെന്റ് ജെയിംസ് പാർക്കിലെ ഭാവിയെക്കുറിച്ചുള്ള അനിശ്ചിതത്വങ്ങൾക്കിടയിലാണ് €75 മില്യൺ യൂറോയുടെ ഓഫറും €5 മില്യൺ യൂറോയുടെ ആഡ്-ഓൺസുമായി ന്യൂകാസിൽ സെസ്കോയ്ക്ക് ആയി രംഗത്തെത്തിയത്.
ഇസാക്കിനായി ലിവർപൂൾ അടുത്തിടെ 110 മില്യൺ പൗണ്ടിന്റെ ബിഡ് സമർപ്പിച്ചിരുന്നെങ്കിലും ന്യൂകാസിൽ അത് നിരസിച്ചിരുന്നു. എന്നിരുന്നാലും, സ്വീഡിഷ് ഫോർവേഡിൽ ലിവർപൂളിന് ഇപ്പോഴും താൽപ്പര്യമുണ്ട്.
അതേസമയം, മാഞ്ചസ്റ്റർ യുണൈറ്റഡും സെസ്കോയെ ഉറ്റുനോക്കുന്നുണ്ട്. ലെപ്സിഗ് ഇപ്പോൾ മാഞ്ചസ്റ്റർ യുണൈറ്റഡിന്റെ ബിഡ് എന്തായിരിക്കും എന്ന് ഉറ്റു നോക്കുകയാണ്.