നാഷൺസ് ലീഗിൽ പോർച്ചുഗലിന് വലിയ വിജയം. ഇന്ന് സ്വിറ്റ്സർലാന്റിനെ നേരിട്ട പോർച്ചുഗൽ എതിരില്ലാത്ത നാലു ഗോളുകളുടെ വിജയം തന്നെ നേടി. ആദ്യ പകുതിയിൽ തന്നെ പോർച്ചുഗീസ് ടീം മൂന്ന് ഗോളുകൾക്ക് മുന്നിൽ എത്തിയിരുന്നു. റൊണാൾഡോയുടെ ഇരട്ട ഗോളുകൾ ആണ് പോർച്ചുഗലിന് കരുത്തായത്. ഇന്ന് 15ആം മിനുട്ടിൽ വില്യം കർവാലോയാണ് പോർച്ചുഗലിന്റെ ഗോളടി തുടങ്ങിയത്.
35ആം മിനുട്ടിൽ റൊണാൾഡോ ലീഡ് ഇരട്ടിയാക്കി. അധികം താമസിയാതെ റൊണാൾഡോ തന്നെ വീണ്ടും ഗോൾ നേടി. റൊണാൾഡോക്ക് ഈ ഗോളുകളോടെ പോർച്ചുഗലിനായുള്ള ഗോളുകളുടെ എണ്ണം 117 ആയി. അന്താരാഷ്ട്ര ഫുട്ബോളിലെ ടോപ് സ്കോറർ ആയ റൊണാൾഡോ ഒന്നാം സ്ഥാനത്തുള്ള ലീഡ് വർധിപ്പിക്കുകയാണ്.
രണ്ടാം പകുതിയിൽ ജോ കാൻസെലോയിയിലൂടെ നാലാം ഗോളും കൂടെ നേടി പോർച്ചുഗൽ വിജയം പൂർത്തിയാക്കി.