ഡ്യൂറണ്ട് കപ്പ് ഗ്രൂപ്പ് ഘട്ടത്തിലെ ആദ്യ മത്സരത്തിൽ മുംബൈ സിറ്റി മൊഹമ്മദൻസിനെ തോൽപ്പിച്ചു. ഒന്നിനെതിരെ മൂന്നു ഗോളുകൾക്ക് ആയിരുന്ന് മുംബൈ സിറ്റിയുടെ വിജയം. മത്സരത്തിന്റെ 12ആം മിനുട്ടിൽ ഒരു ഹെഡറിലൂടെ റോസ്റ്റിൻ മുംബൈ സിറ്റിക്ക് ലീഡ് നൽകി. ഗ്രെഗിന്റെ ക്രോസിൽ നിന്നായിരുന്നു ഈ ഹെഡർ.
23ആം മിനുട്ടിൽ പെരേര ഡിയസ് ലീഡ് ഇരട്ടിയാക്കി. നൊഗുവേരയുടെ ഒരു ഷോട്ട് സേവ് ചെയ്യപ്പെട്ടപ്പോൾ ഒരു ടാപിന്നിലൂടെ ഡിയസ് പന്ത് വലയിൽ എത്തിക്കുക ആയിരുന്നു. 35ആം മിനുട്ടിൽ ചാങ്തെയും മുംബൈ സിറ്റിക്ക് ആയി ഗോൾ നേടി. ബിപിന്റെ പാസിൽ നിന്നായിരുന്നു ഈ ഗോൾ.
42ആം മിനുട്ടിൽ ഡേവിഡിലൂടെ ഒരു ഗോൾ മൊഹമ്മദൻസ് മടക്കി എങ്കിലും അതിനപ്പുറം കളിയിൽ ഒന്നും നേടാൻ മൊഹമ്മദൻസിലായില്ല.