ഐ ലീഗിൽ മൊഹമ്മദൻസ് ലീഗ് കിരീടത്തിലേക്ക് അടുക്കുന്നു. ഇന്ന് നടന്ന മത്സരത്തിൽ മൊഹമ്മദൻസ് ചർച്ചിൽ ബ്രദേഴ്സിനെ പരാജയപ്പെടുത്തി. അഞ്ചു ഗോൾ പിറന്ന ത്രില്ലർ പോരിൽ രണ്ടിനെതിരെ മൂന്നു ഗോളുകൾക്ക് ആണ് മൊഹമ്മദൻസ് വിജയിച്ചത്.
ഒമ്പതാം മിനുട്ടിൽ ഫെർണാണ്ടസിലൂടെ ചർച്ചിൽ ആയിരുന്നു ലീഡ് എടുത്തത്. എഡി ഗബ്രിയേൽ ഹെർണാണ്ടസിന്റെ ഇരട്ട ഗോളുകൾ 32ആം മിനുട്ടിലേക്ക് മൊഹമ്മദൻസിനെ ലീഡിലേക്ക് എത്തിച്ചു. 28ആം മിനുട്ടിലും 32ആം മിനുട്ടിലും ആയിരുന്നു ഹെർണാണ്ടസിന്റെ ഗോളുകൾ.
51ആം മിനുട്ടിൽ പെനാൾട്ടിയിലൂടെ ചാവേസിലൂടെ ചർച്ചിൽ സമനില കണ്ടെത്തി. സ്കോർ 2-2. 75ആം മിനുട്ടിൽ സെന ഫെനായിയിലൂടെ മൊഹമ്മദൻസ് വിജയം ഉറപ്പിച്ചു.
ഈ വിജയത്തോടെ 19 മത്സരങ്ങളിൽ നിന്ന് 44 പോയിന്റുമായി മൊഹമ്മദൻസ് ഒന്നാമത് നിൽക്കുകയാണ്. ഇനി 10 പോയിന്റു കൂടെ ലഭിച്ചാൽ മൊഹമ്മദൻസിന് ഐ ലീഗ് കിരീടവും ഐ എസ് എൽ പ്രൊമോഷനും ഉറപ്പിക്കാം.