സ്വീഡിഷ് ഇതിഹാസം സ്ലാട്ടാൻ ഇബ്രാഹിമോവിചിന് വിലക്ക്. അമേരിക്കൻ ലീഗിൽ മത്സരത്തിനിടെ എതിർ ഗോൾകീപ്പറുടെ കഴുത്ത് ഞെരിച്ചതിനാണ് ഇബ്രാഹിമോവിചിന് വിലക്ക് ലഭിച്ചിരിക്കുന്നത്. കഴിഞ്ഞ ആഴ്ച ഗാലക്സിയും ന്യൂയോർക്ക് സിറ്റിയും തമ്മിലുള്ള മത്സരത്തിലായിരുന്നു ഇബ്ര ന്യൂയോർക്ക് ഗോൾകീപ്പർ സീൻ ജോൺസനുമായി ഉടക്കിയത്.
ഇരു താരങ്ങൾക്കും മത്സരത്തിനിടെയിൽ തന്നെ മഞ്ഞക്കാർഡുകൾ ലഭിച്ചിരുന്നു. എന്നാൽ പിന്നീട് റീപ്ലേകളിൽ സ്ലാട്ടനാണ് തെറ്റുകാരൻ എന്ന് തെളിഞ്ഞു. തുടർന്നാണ് നടപടി. രണ്ട് മത്സരങ്ങളിലാണ് ഇബ്രയ്ക്ക് വിലക്ക് ലഭിച്ചിരിക്കുന്നത്. മത്സരം പരാജയപ്പെടുന്നതിന്റെ ദേഷ്യമാണ് സ്ലാട്ടാൻ സീൻ ജോൺസനു മേൽ കാണിച്ചത്. എതിരില്ലാത്ത രണ്ടു ഗോളുകൾക്ക് ഗാലക്സി മത്സരം പരാജയപ്പെട്ടു.