മുൻ മാഞ്ചസ്റ്റർ യുണൈറ്റഡ് താരം ലൂയിസ് നാനി ഇനി അമേരിക്കയിൽ

മുൻ മാഞ്ചസ്റ്റർ യുണൈറ്റഡ് താരം ലൂയിസ് നാനി ഇനി അമേരിക്കയിൽ കളിക്കും. മേജർ ലീഗ് സോക്ജർ ക്ലബായ ഒർലാണ്ടോ സിറ്റിയാണ് നാനിയെ സൈൻ ചെയ്തിരിക്കുന്നത്. ഈ സീസൺ ആരംഭത്തിൽ തന്റെ ആദ്യ കാല ക്ലബായ സ്പോർടിംഗ് ലിസ്ബണിൽ നാനി തിരിച്ചെത്തിയിരുന്നു‌. സ്പോർടിംഗിൽ നാനി വിരമിക്കും എന്നായിരുന്നു കരുതിയത്. എന്നാൽ നാനി അമേരിക്കയിലേക്ക് പോകാൻ തീരുമാനിക്കുകയായുരുന്നു.

മുമ്പ് 2000 മുതൽ 2007 വരെ സ്പോർടിംഗിനൊപ്പം ഉണ്ടായിരുന്ന താരമാണ് നാനി. അവിടെ നിന്നായിരുന്നു മാഞ്ചസ്റ്റർ യുണൈറ്റഡിൽ നാനി എത്തിയത്. മാഞ്ചസ്റ്റർ യുണൈറ്റഡ് കാലഘട്ടത്തിൽ നാലു പ്രീമിയർ ലീഗ് കിരീടങ്ങളും ഒരു ചാമ്പ്യൻസ് ലീഗും നാനി നേടിയിട്ടുണ്ട്. പോർച്ചുഗലിന്റെ അവസാന യൂറോ കപ്പ് വിജയത്തിലും നാനിക്ക് പ്രധാന പങ്കുണ്ടായിരുന്നു.

മുൻ മാഞ്ചസ്റ്റർ യുണൈറ്റഡ് താരമായ റൂണിയും ഇപ്പോൾ അമേരിക്കയിൽ ഉണ്ട്‌.